وكانت أيام --------بقلم الشاعر زغلول الطواب
وكانت أيام
بقلم
زغلول الطواب
تقدر تقول للزمان
أرجعلي يا زمان
ورجعلي أيام
الحب والموده
والتقدير والإحترام
الله يرحم الأيام
وإللي كان
زمان كان فيه
الإنسان إنسان
لما كان بينا تقدير
وحب وإحترام
وكان الكبير
قلبه مليان بالحنان
وكان الصغير
مطيع وبيسمع الكلام
وكان موجود ما بينا
التواصل وصلة الأرحام
أيام ما كان اللي معاه
يدي المسكين والغلبان
والطبق الداير
طول شهر رمضان
واللمه الحلوه
والضحك والهزار
وطبلية العيله
تجمع الأهل والخلان
كنا بنحب الضيف
ونرحب بيه
ونقوله احنا النهارده
زارنا النبي
عليه أفضل الصلاه
وأذكى السلام
ولا كان بينا أي إختلاف
في المعاملات ولا خصام
ولا كان بينا
فروق إجتماعيه
في الأديان
كنا جيران
زي الأهل والخلان
كان يتقفل علينا
كلنا باب واحد
مش فارق معانا
مين نايم ومين سهران
يا عيني يا رمصان
التواشيح والقرآن
الشيخ المقشبندي
قبل السحور
والشيخ محمد رفعت
قبل الفطار
ولمة العييدين
الأضحى ورمضان
وإذاعة الشرق الأوسط
والبرنامج العام
مسلسلات وبرامج فكاهيه
ودراما وأخبار
وحفلات شم النسيم
في الليل و النهار
وثومه وحليم وفايزه
وفريد وشاديه وورده
الفن الجميل
والطرب الأصيل
أيام زمان
والتمشيه ساعة عصريه
على شط النيل للمغربيه
والسهره الحلوه كمان
في الحسين وأم هاشم
وعالقهوه بنشرب شاي
خساره راحت الأيام
قول للزمان إرجع يا زمان
خاطره بقلمي
زغلول الطواب
تعليقات
إرسال تعليق